|
AGRADECEMENTOS ESPECIAIS
Non foi doado obter datos sobre Lorenzo Varela. Nos camiños lóxicos como
na Federación de Sociedades Galegas de Bos Aires, por exemplo, non
tivemos éxito; tampouco serviu escribir ós partidos comunistas de
Galicia e Arxentina.
En lugares máis inusuais chegamos a estar : no Congreso da Nación
Arxentina (sector reservado) aínda que tendo que abrir infinidade de
portas (igual ó noso agradecemento ó Estado arxentino). O noso
agradecemento para Gabriela da Biblioteca do Centro Galego. Tivemos
tamén a colaboración de Mary Castro da Fundación Xeito Novo de Bos Aires
quen nos achegou a lembranza de Beade Dopico sobre o homenaxeado.
Agradecemos á revista Raigame por confiarnos este traballo.
Pero si queremos agradecer moi especialmente e no fondo do noso corazón
ós bos e xenerosos que xa cantou Pondal, os cales entenden que rescatar
con xustiza a figura dun xenio como Varela, soamente minimizada polo
fascismo, non é facer un favor a alguén que á súa vez está a facer un
favor, senón un deber patriótico. Son eles o membro da RAG, D. Xosé Luís
Axeitos e o crítico literario Javier Quiñones.
|
