LAXEIRO en Movemento

Performance comemorativa dos 100 anos do nacemento de LAXEIRO

Concepción, Creación e Producción Executiva de Gonçalo Penão Guerreiro

A Performance consiste en traducir nunha linguaxe teatral o universo do pintor. No entanto, non se trata dun espectáculo teatral no sentido tradicional do termo. Non se pretende que o espectador estexa sentado mirando unha función, máis que se manteña de pé e en movemento como pasa habitualmente cuando apreciamos as obras de arte nun museu. Con esa finalidade, está previsto dinamizar varias salas do local onde se realize o espectáculo e en cada unha delas crear unha escena diferente.

Esquematicamente, a performance estructúrase en tres grandes escenas máis ou menos asociadas ás tres fases da obra do pintor:

1ª Escena

Referencia ao rural, ao soño e ao Barroquismo. Cores terra e ocres.

Os actores en atitude de estatua interpretan “La enana pintora”, “El amigo poeta”, “El niño”, “Maternidad” e “Florisel”.

Nun segundo momento as estatuas gañan vida e interactuan entre si e co público.

2ª Scena

Fase do Post-cubismo. Este será, quizáis, o momento máis abstracto do punto de vista teatral, pero máis próximo á lóxica plástica. Consiste na composición de liñas de grafismo quebrado, tradución dinámica de cores planas e intensas co negro como dominante.

Os actores transmitirán estas impresións pictóricas através dos movementos do corpo, dos xestos, das atitudes, dos sons e eventualmente das palabras.

O público observará os corpos dos actores a plano no chão. Desta forma recréase a mesma perspectiva de visión dun cadro na parede, máis o sentido da mirada é vertical en vez de horizontal. Os corpos evoluen no espazo sen a forza da gravidade, o que lles dará total liberdade de movemento para escenificar as figuras sillueteadas das obras sen título que Laxeiro creou en 1977.

3ª Escena

Do relixioso ao folklórico. Concretamente, pretendo partir do relixioso, do ritual, da procesión, para chegar ás manifestacións folklóricas galegas directamente relacionadas co Carnaval. Como se de súpeto os personaxes do pobo, os xigantes e os músicos de “Cencerrada”, “Concierto”, “Músicos”, “Bromas de aldea” ou “La família Romea”  saisen os cuadros, tomasem vida e terminasen a performance nun ambiente festivo.

O Equipo artístico é formado por sete actores, tres músicos, un creador de vestuario, un atrezzista, un creador de máscaras e un director artístico/produtor executivo.

Gonçalo Penão Guerreiro é actor, director e pedagogo. Nacido en Lisboa en 1974, concluiu o curso de formación de actores no Conservatorio de Lisboa despois de pasar pola Real Escuela Superior de Arte Dramático de Madrid como becario. Antes do período que pasou en varios países europeos traballou como actor en diferentes compañías portuguesas. Dirixiu espectáculos do Teatro Escondido, da Compagnie Imagerie e da Compagnie Blablablah na Bélxica. É diplomado pola École Lassaad, en Bruselas, onde herdou a pedagoxía de Jacques Lecoq do Teatro de Movemento. Estudou Commedia dell’Arte con Antonio Fava en Italia e Antropoloxía Teatral con Eugenio Barba na Polonia, Dinamarca e Portugal. Apesar de terse trasladado a Galiza, segue fortemente vinculado ao Labo (Laboratoire de recherche pédagogique sur le théâtre et les mouvements) en Bruxelas. Gonçalo Penão Guerreiro é actor e co-director da Compañía do Elefante Elegante con sede na Coruña. Actualmente dá clases de Teatro na escola Santart de Santiago de Compostela e na Universidade da Coruña.

Gonzaloguerreiro@gmail.com

Rúa Torreiro, 14 – 4º

15003 A Coruña

 Telef. 663031778

www.galespa.com.ar